CLICK HERE FOR BLOGGER TEMPLATES AND MYSPACE LAYOUTS »

Wednesday, September 16, 2009

بالصور : تجريس حسن الهلالى = حسن زعبولة !





الغشاش



واحد ابن حلال على الفايسبوك نشر خبر بيقول ان نائب اخوانى تقدم بمشروع قانون لتجريم الزنا بالتراضى



لقينا الخبر على موقع العربية و قلنا امتى المشروع ده اتقدم !

واذ نفاجأ ان الخبر من الأرشيف بالضبط من
السبت 02 صفر 1426هـ - 12 مارس 2005م

يعنى الخبر من الدورة البرلمانية 2000-2005

و مش الدورة البرلمانية الحالية

و طبعا مشروع القانون اترفض

(و كأننا مش ناقصينا غير افتعال المعارك و استحضارها من الماضى كمان!)

حلو الكلام

*****************

مدون مسمى نفسه (حسن الهلالى) و طبعا ده مش اسمه الحقيقى بسلامته أنور وجدى فى أمير الانتقام :D

المدون ده شغلته فى الحياه يشتم فى البنات المحجبات و المنتقبات و الاخوان و المتدينين ... الخ

مصدق لقى الخبر ده و كتب عليه بوست زى وشه و بقية مدونته العنصرية

دخلت علقت و قلت له أن الخبر ده من 4 سنين و نص

الطبيعى فى الحالة دى انه يعتذر للقراء فى
تحديث و يوضحلهم الحقيقة ان الخبر مش حديث و ده من زمان و انتهى

أو حتى يرد عليا فى التعليقات

انما اللى حصل غير كده خالص

عمل ايه الاخ حسن زعبولة ؟

راح كاتب فى أول البوست

(
من الأرشيف البرلمانى للأخوان )

و مغير فى نص الخبر الاصلى و ضايف من عنده تاريخ الخبر اللى مكنش كاتبه من الأول

قال يعنى جابه من الأرشيف بجد



و الفضيحة لسه مخلصتش!

بعتله اقوله توضح للقارىء أن الخبر قديم و بلاش تعدل فى البوست و تفبرك كده

النتيجة

انه حذف تعليقى الاول و حجب التعليق الاخير ده


و طبعا ده نتيجة أنه علمانى ليبرالى ديمقراطى بيقبل الرأى الأخر :D

صدع دماغ أهالينا عن الاستبداد الدينى و فصل الدين عن الدولة

و وقت الجد نسى كل ده و أستبد برأيه و حذف الرأى المخالف

المشكلة انه لما فبرك فى البوست نسى ان الريدر مبيكدبش زيه و كل كلمة و حرف بيفضل موجود عليه حتى لو حذف البوست كله او حذف المدونة بالكامل

و دى سكرين شوتس لتوضيح الفبركة بين الريدر ومدونته




الصيغة الأصلية للبوست قبل الفبركة على أنه خبر حديث مش من الأرشيف زى ما أضاف
و ده من الريدر



العنوان اللى اضافه زعبولة فى مدونته بعد مقلتله ده خير قديم
قارن بين الصورة دى و اللى فوقيها



البوست الأصلى فى الريدر من غير تاريخ الخبر



زعبولة يفبرك فى نص الخبر على مدونته و يضيف التاريخ




و أفكركم تانى أنه حذف و حجب تعليقاتى


فى نفس الوقت اللى بيسمى فيه نفسه ليبرالى ديمقراطى



و أنا بسميه



غشاش



كداب



مستبد برأيه




Bookmark and Share

21 comments:

faissl said...

سبحان الله
ولا وائل عباس في زمانه :)))

جبهة التهييس الشعبية said...

هههههههههههه

محمد عبد الغني said...

ههههههههههههه
تجريسة تمام
وبالوثائق

بس ماكانش لازم تعمل لينك لمدونة الأهطل ده جوة التدوينة بتاعتك... لأنك كده خليتني أفتح المدونة بتاعته وخليت واحد ماكانش بيسمع عنه يعرفه... أقترح أنك تشيل اللينك اللي على اسم الشخص ده علشان انت كده بتعمل له دعاية

فاروق عادل said...

الله ينور تجريسه تمام

فريق راديو ويّاك said...
This comment has been removed by the author.
جدع حتى الثمالة said...

والله العظيم مسخرة.......وعيب على اهله اللى بيعمله دة........بس يجد...اشطات يعنى ..اقترح ان كل مدون يحطها على مدونته ...من غير الرابط بتاعه زى ما قال الاستاذ محمد عبد الغنى .....عشان التجريس يبقى على ودنه ...ويكون جلالجل واقف على الباب
((=

محمود ناسا said...

بقولك ايه يا ميدو

احنا نستغل العشر الاواخر ونسيبا من الواد ده


ده تعبان

همشه وريح دماغك


دمت جميلا

ورمضان كريم

MǿиY El-Shreef said...

انت دايما تاعب نفسك بالناس دي

يابني احنا الي بنعملهم اهميه دول عالم ضاربه

ربنا يزيد فضيحته كمان وكمان

حلو كده :D:D:D

عمرو امام said...

والى انت عملتة دة هو الدين والتدين مهو انتة خليتة مسخة اهو كل واحد يتريق علية شوية يعنى حتى لو هو غلط انت رديت علية بغلط اكبر منه
وبعدين هو بس الى غلط يبقى بتعمم لية مهو انت كمان غلط يبقى كل الى عندهم نفس فكرك وارائك زيك لا طبعا

مع فائق احترامى

mido said...

عمرو امام

كل ده عشان قلت عليه زعبولة؟
:D

أنا رديت عليه بأدلة و ووصفته بصفات موجودة فيه و انت لو شفت مدونته حتقرف منه و من قلة أدبه و عنصريته

مواطن مصري said...

هما الاخوان دول بسلامتهم صحابة فوق النقد فوق الرفض

و بعدين اية لازمة الشتيمة و السخرية منة ولا هتبقى زي بقيتن الاسلامين و تبقى شتام زيهم


زي مانت ليك حق انك تعارض الحكومة سيب غيرك يعارض الاخوان

مواطن مصري said...

و الله يا ميدو انت مضحوك عليك ب الاخوان دول

راجع موقفك منهم هتلاقيهم اسواء من الحكومة و المعارضة

دول ناس بتوع مصلحجية

mido said...

مواطن مصرى

هو حر ينتقد الاخوان براحته

أنا بتكلم على فبركة و تدليس

بالصور و الدليل

مهندس مصري said...

و انت بتخش مدونته ليه ؟
دي مدونة مقرفة لدرجة الغثيان
يا صبرك على قراءة القذارات يا ميدو
عموماً كويس إنك قفشته متلبس

شمس النهار said...

ياربنا حتي المدونين كمان هيفبركوا

طيب ليه ولصالح مين

هو فيه ايه
حتي الشباك الصغير اللي اتفتح علشان نشم منه هوا

هيتسمم هواه برضه
ماعلينا

انا جايه اقول لك كل سنه وانت طيب
عيد سعيد عليك ان شاء الله

mido said...

شمس

كل سنة و انت بالف خير
وبصحة و سلامة :)

م/ الحسيني لزومي said...

تقبل الله منا ومنكم
كع عام انتم بخير

بدراوى said...

كل سنة و انت طيب يا ميدو
و عيد فطر سعيد

mido said...

الحسينى لزومى

و انت بخير و فى أفضل حال

mido said...

بدراوى

عيد سعيد علينا كلنا يا رب

شكرا للتهنئة
:)

مواطن مصري said...

كل سنة و انت بالف صحة و سلامة و في أحسن حال يا رب


عديتك عندي في المدونة :D