CLICK HERE FOR BLOGGER TEMPLATES AND MYSPACE LAYOUTS »

Wednesday, October 27, 2010

الشيخ صفوت حجازى لأمن الدولة: إحنا دلوقتى فى حجركم بلاش تخلونا نروح لحجر حد تانى» !!


موقع الشروق نشر خبر عن ندوة للشيخ صفوت حجازى بمناسبة اغلاق القنوات الدينية

انا قرأت الخبر و استغربت من الصراحة و الأريحية اللى بيتكلم بيها صفوت حجازى لدرجة انه قال بالنص الاتى 
:

أبدى الداعية دهشته من التعليمات التى تمنع الحديث عن الشيعة، منوها فى الوقت ذاته أن المسئولين طلبوا منه منذ 5 سنوات الهجوم على المذهب الشيعى
!!!!!
واختتم حجازى كلامه قائلا للمسئولين: «بتليفون واحد تقدروا تقولولنا قولوا إيه وماتقولوش إيه، وإحنا دلوقتى فى حجركم بلاش تخلونا نروح لحجر حد تانى»

!!!

 يعنى الهجوم على الشيعة بتعليمات امنية يا شيخ صفوت؟
يعنى يقولوكم اهجموا على الشيعة تهجموا , اهجموا على المسيحيين تهجموا؟
اشتموا البرادعى الزنديق العلمانى , تشتموا فى لحظة؟

بتاخد تعليمات بالتليفون و قاعد فى حجر الامن يا شيخ صفوت؟
طبعا معروف ان الامن بيدى تعليمات للكل من خطباء المساجد الى شيوخ الفضائيات
و اللى يرفض التعليمات بيتم استبعاده من المساجد و القنوات
انا بس مستغرب ازاى شخص يفضح نفسه و يفضح منظومة القنوات الدينية كلها بالبساطة و الصراحة دى !

 للى لسه مصدق و زعلان على الشيوخ اللى قنواتهم اتقفلت

انت انضحك عليك و الأمن قرطسك و ملى دماغك اكاذيب موجهة

بتليفون واحد متهاجموش الشيعة و لا المسيحيين

كله حينفذ و حيقبض تمن الحلقة عادى و لا كأنه عمل اى حاجة

عادى



Bookmark and Share

Monday, October 25, 2010

فيديو : بلطجية الداخلية يشتمون خالد سعيد و يصفون المتعاطفين معه باليهود

من تصويرى


Bookmark and Share