CLICK HERE FOR BLOGGER TEMPLATES AND MYSPACE LAYOUTS »

Monday, July 6, 2009

أصلهم بيصيفوا فى مارينا لما الواد غزها



شخص فى جنازة ( مروة الشربينى ) بيصرخ ( أصلهم بيصيفوا فى مارينا يا عم ) على بعد خطوات من


محافظ اسكندرية ( عادل لبيب ) و كان واقف فى صف المعزين بجانب ( مصطفى بكرى ) , ( عائشة عد الهادى ) و


( محمد المصيلحى ) عضو مجلس الشورى عن الوطنى و رئيس نادى الاتحاد


المهم عرفت بعد كده مين اللى بيصيفوا فى مارينا من هتافات الناس فى الجنازة :


(يا خارجية فينك فينك ) و هتافات تانية ( حسنى مبارك يا رئيس , دم المصرى مش رخيص ) !


طبعا الخارجية مش هنا و مش حتبقى هنا أبدا


لكن وزارة السياحة موجودة و بقوة كمان و أكدت ان حجم إقبال السياح الالمان على مصر مش حيتأثر !! :D


الغريب فى الموضوع ان واحد من الناس اللى هتفت ضد وزارة الخارجية
المصرية و ضد سفارة المانيا جه يتكلم عن الرئيس قال فى أدب جم :



المفروض الريس ميسكتش , المفروض الريس يعمل حاجة !!














طالبات مدرسة ( كلية النصر للبنات ) يحملن صور مروة و نعى كلية الصيدلة و المدرسة لها





الالاف حضروا الجنازة





Bookmark and Share

17 comments:

مهندس مصري said...

الله ينور على التغطية يا ميدو

الله يرحم الشهيدة و يصبر أهلها

أما الأخ اللي كسكس في الكلام فهو و أمثاله سبب من أهم أسباب تخلف الشعب سياسياً

طالب ثانوى said...

بوست جميل ياميدو وتغطية ممتازة بتقول عليها صغيرة والله لو كنت فى اليكس كنت روحتها

ديالا said...

طب ماتسبهم في حالهم

انت عايزهم يسيبوا المصيف ويجي

ده انت قاسي اوي

ازاي يعيشوا من غير مايصيفوا

هما يخرجونا بره بلدنا وهما قاعدين فيها اخدين خيرها ليهم

ربنا يرحمك يامروه

Israa El-sakka said...

الله يرحمها و يتقبلها شهيدة عنده أما بالنسبة للريسنوا عملوا إيه للعبارات باب االلي بتغرق و لا القطرات اللي بتتحرق و لا الشباب اللي زي الورد اللي بينتحر و يركب مركب عشان يروح أوربا و لا أي حاجة
تحياتي

بدراوى said...

ميدو انا حضرت الجنازة و صورت صور كثيره
ان شاء الله احطها على المدونة
تغطيتك حلوة

بس ياريت تجبلى لينكات الفيديو على اليوتيوب
عشان مش شايفها هنا
مع الأسف

mido said...

بدراوى

http://3.ly/RFS


http://3.ly/Ga9


http://3.ly/tH5

فتاه من الصعيد said...

تغطيه جميله يا ميدو
ربنا يرحمها ويغفر للجميع ....... ويحاسب كل اللي قصر في حق انسانه بتدافع عنا

mahasen saber said...

ربنا يرحمها برحمته الواسعه يا ميدو

ولو كان اتاخد حق مصرى مات بره فى الغربه بالشكل ده
يبقى هيتاخد حق مروه

المصرى يا ابنى
ميت عايش مهان

MǿиY El-Shreef said...

ربنا يرحمها يارب

شكرا ياميدو ع التغطيه

ان شاء الله نعمل حاجه انا زهقت من السكوت

كيــــــــــــارا said...

المفروض الريس ميسكتش , المفروض الريس يعمل حاجة !!

ربنا يرحمها ياااااارب

شمس النهار said...

اولا ازبك ياميدو

طبعا شكرا علي البوست القوي

بس عايزه اسأل سؤال كده علي الماشي
ياتري في حاجه هتتعمل ودم البنت الجميله قلبا وقالبا دي مش هيروح هدر والا ايه
ومش لازم الحكومه هي اللي تعمل
ليه احنا كاافراد وجمعيات اهليه مانعملش حاجه اكيد بتوع القانون عندهم حل
ياريت تكون في قضيه ينفع يرفعها الشعب كله علي المنيا
مش عارفه بس حاسه ان ممكن نعمل حاجه
وحاجه كبيره كمان

حياتي كلها لله said...

السلام عليكم

حسبنا الله و نعم الوكيل

بجد موضوع مروة ده حاجة كده بتحرق دمي

أنا روحت جنازتها
كان فعلااااااا عدد مهوووووووول

ما شاء الله

تحياتي
سلمي

micheal said...

أولا..أحييك علي التغطية الهايلة
ريس مين اللي تنتظر منه حاجة..يا عم ده الريس متقال كان يمكن عمل منظر شوية
وحياة العبارة ما حيعمل اي حاجة وحيعدي الموضوع زي غيره وحيتكرر
وسلملي علي مارينا
ربنا يرحمك يا مروة
تحياتي

سبهللة said...

لان دمنا رخيص
أكتفت ألمانيا
بالنعى الذى نشرته السفارة الالمانية للفيدة فى جريدة الاهرام يوم الجمعة الماضى
وكفت على الخبر ماجور وتم حظر النشر فى القضية دى هناك
شفت دم أخرص من دمنا؟؟
وناس أوطى مننا؟؟
اوطى من الموس على الارض

سمسم said...

السلام عليكم
تسلم يا رب عالنقل ده
ويا عم سيبم يصيفوا تعبانين وشقيانين فالشغل دايما بيجيبوا الننة والمم للشعب المفتري منتو زي القطط تاكل وتنكر
وااااااااااااا حسبي الله ونعم الوكيل

دودو said...

اكتر حاجة بتجننى
هما الجماعة بتوع المفروض الريس يعمل حاجة

وخير مثال هو مصطفى بكرى
يشتم فى الحكومة ويلعن ابوها
بعدين يشكر فى حكمة الريس

اللة
امال مين اللى بلاناة بالحكومة وبغيرها

كيكى عوووووو said...

فينك؟؟؟
والله الواحد مش عارف يقول ايه بس والله برة زى جوة مش فارقة!!!