CLICK HERE FOR BLOGGER TEMPLATES AND MYSPACE LAYOUTS »

Tuesday, December 15, 2009

أوحش بنت في العالم







 عقل الرجل مصمم بحيث يكون التفكير منصباً علي البحث عن لقمة العيش..

وعقل المرأة مصمم بحيث يكون التفكير منصباً علي البحث عن الرجل «اللي هتاكل منه العيش بتاعه

:)) 



 حتي يكون الرجل سعيداً مع زوجته لابد أن يحبها فقط .. وساعتها هيفهمها.

وحتي تكون المرأة سعيدة مع زوجها لابد أن تفهمه فقط.. وساعتها هتحبه.




 يصحو الرجل من نومه بالهيئة نفسها التي نام عليها تقريباً.


ولكن المرأة تتعرض للكثير من التحولات أثناء نومها
:D



 الرجل يدفع «2 جنيه» في شيء لا يساوي غير جنيه واحد.. لكنه يحتاج إليه.

والمرأة تستطيع أن تشتري «بجنيه» شيئاً يساوي «2 جنيه».. لكنها لاتحتاج إليه.



  في حمام الرجل 8 عناصر فقط هي غالباً فرشة الأسنان والمعجون والصابونة وماكينة الحلاقة، ورغوة وفرشة دقن وفرشة شعر وفوطة كبيرة، «غالباً بيبقي مكتوب عليها موبينيل أو دريم لاند».

وفي حمام المرأة أكثر من 342 عنصراً لا يعرف الرجل معظمها.


 عندما يقول الرجل «أنا جاهز للخروج» فهو يعني أنه جاهز فعلاً وبمعني حرفي.

وعندما تقول المرأة «خلاص أنا جاهزة» فهي تعني أنها جاهزة «بس بتدور علي فردة الحلق وبتظبط ماكياجها وبتفضي شنطتها في شنطة تانية.



 الرجل يعشق الإثارة، لذلك المشاهد المفضلة لديه هي التي تبدأ بمطاردة وتنتهي بانفجار.


والمرأة تعشق الأفلام الرومانسية، والمشاهد المفضلة لديها هي التي تبدأ بكلام ناعم وتنتهي بقبلة.


 التليفون بالنسبة للرجل وسيلة لنقل المعلومات، وبالنسبة للمرأة هو وسيلة للتأكد منها.
 رحلة الرجل إلي «الحلاق أو الكوافير» تكون ناجحة عندما ينجح في الوصول بشعره إلي الطول المناسب الذي يليق عليه.

وتكون رحلة المرأة إلي الكوافير ناجحة إذا خرجت من عنده «ما حدش يعرفها».

=))

 في الغرف المغلقة يكون حديث الرجل مع أصدقائه منصباً حول «الفلوس والكورة والستات».. الأولي بيشكوا منها والتانية مابيفهموش حاجة فيها والتالتة بتكون كلها تأليف.

وفي الغرف المغلقة يكون حديث المرأة مع صديقاتها منصباً حول موضوع واحد «الرجل».. وهم يشكون منه وغير قادرين علي فهمه لكنهن صادقات جداً.


 عندما تعجب المرأة برجل (بتبتدي تتكلم معاه)، وعندما يعجب الرجل بامرأة (بيبتدي يسكت معاها).
 يفكر الرجل عادة «في سره» ومع نفسه.

بينما لا تستطيع المرأة أن تفكر بدون أن تتكلم.. «بتفكر 

LIVE
  بالنسبة للمرأة.. كل طفل لديها هو 



FILE 


في حد ذاته تعرف كل مافيه.. ماذا يحب، ماذا يكره، مخاوفه القهرية، أصدقاءه المقربين، نقاط ضعفه وقوته.. إلخ

وبالنسبة للرجل.. الأطفال هي مخلوقات قصيرة ومزعجة تعيش معه في البيت.
=))


 المرأة غالباً لا تعود إلي الاتصال برجل قطع علاقته بها واختفي.

والرجل وفي خلال ستة أشهر «بالكتير» يعود ليتصل بالمرأة التي قطع علاقته بها في مكالمة بعد منتصف الليل يكون فحواها «عايز أقول لك إنك دمرتي حياتي وإنك شخصية سافلة وأنا باكرهك.. بس مش عارف ليه حاسس إن لسه قدامنا فرصة».

 
 أجمل راجل في العالم هو الراجل اللي يسيب الست تضحك عليه، وأوحش راجل في العالم اللي الست تسيبه يضحك عليها.

أجمل بنت في العالم مش عارفة قيمتها ...وأوحش بنت في العالم عارفة نفسها كويس قوي.


Bookmark and Share

10 comments:

Unknown said...

ههههههههههه

تحفة بجددددد


وعندما تقول المرأة «خلاص أنا جاهزة» فهي تعني أنها جاهزة «بس بتدور علي فردة الحلق وبتظبط ماكياجها وبتفضي شنطتها في شنطة تانية.

صحححح جدااااااا

Anonymous said...

كداااااب

هما 341 حاجه في الحمام بس .... انا عديتهم بنفسي:D

مقاله حلوه

تحياتي

mido said...

انسانة

المقال ده على ذوقى بقى

:D

mido said...

فتاة من الصعيد

طيب متقولى لنا على شوية حاجات منهم

:D

كيكى عوووووو said...

looooooooool

MǿиY El-Shreef said...

هههههههه

مقال زي العسل يامحمد

لسه هتجنني باختياراتك بس المرادي عجبني اوي

تصدق وحشتني :P

شمس النهار said...

صباح الهنا

مش عارفه المراه مزعلاهم لييييييييييه

مقال كوميدي نصه
محض افتراء
:))))))))))
ده حتي الرجاله مفتريه
والستات غلابه خااااااالص

:)))))))

سلام

رئيس التحرير said...

مقارنه جميله ومضحكه
الأثنين اشطر من بعض
والأثنين بيضحكوا علي بعض
و ها يضيعوا بعض
طول ما هما فاكرين
انهم يستغنوا عن بعض

MǿиY El-Shreef said...

فينك

شمس النهار said...

ازيك يارب تكون بخير

فينك يادكتور

اوعي يكون البوست اللي جبت في سيرة المراه ده السبب
ست كده والا كده
دعت عليك دعوه::))

ياربت ترجع بالسلامه

سلامي