CLICK HERE FOR BLOGGER TEMPLATES AND MYSPACE LAYOUTS »

Monday, October 13, 2008

القرضاوى, SESAMEو شمس النهار




موضوع عادى تابعته فى أوله قبل ميقلب عركة, وعملته بوست عندى فى المدونة القديمة منتقدا الرد الشيعى على القرضاوى وهو معركة الشيخ القرضاوى فى وسائل الاعلام ضد التمدد الشيعى فى بلاد السنة ( مع اختلافى سياسيا و اتفاقى فقهيا مع كلام شيخنا ) .
فى الاول مكنتش متخيل ان الموضوع حيكبر بالشكل ده وحياخد الزخم الاعلامى والسياسى الظاهر الان.
وكتبت فى عنوان البوست كلمات قاسية بعض الشىء ردا على سباب وكالة الانباء الايرانية و الشيخ الصفار فحدث الاتى :

شرفنى بزيارته المدون
SeSaMe صاحب مدونة أنا و دماغى ولفت نظرى لقسوة العنوان اللى اختارته للبوست و قال
: SeSaMe يقول... بص يا أدهم انت واخد الموضوع بعنف أوي .. يعني بصراحة مش عارف ليه أطلقت صفة قذرة على تصريحاته .. يعني انا شايف إن التصريحات كانت بشكل مهذب .. يعني لم يخطئ في شخص الشيخ القرضاوي و لكنه انتقد بعض من آرائه و بشكل مهذب و للأمانة أنا برضه رأيي أن الشيخ القرضاوي إن كان قد قال هذا فقد خانه التوفيق .. و أنا أعلم تماما أنه من أحرص مشايخ المسلمين على الوحدة و البعد عن الفتنة يعني آه فيه خلافات كبيرة أوي بين السنة و الشيعة بس من الآخر محدش من كبار العلماء يقدر يخرجهم من الإسلام إلا بعض الفرق المتطرفة جدا ... يبقى إذن إحنا و هما مسلمين صح و لا إيه ... كمان دلوقتي احنا في عز الفتن اللي بين السنة و الشيعة و اللي أكيد المستفيد الأول منها أعداءنا .. يبقى المفروض على عقلاء المشايخ من هنا و من هنا البحث عن النقاط المشتركة و الوقوف عليها و الحقيقة أن الدكتور القرضاوي سباقا في هذا المجال و له مبادرات كبيرة في هذا التقريب و لذلك كانت دهشة الرجل من هذه التصريحات

mido يقول... كده انت حتخلينى أدور فى الموضوع أكتر أنا استنكرت وصف الصفار انحدار بعض رجال الدين المعروفين لهذا "المستنقع القذر". ----------------- على فكرة بعض السلفيين بيخدوا على القرضاوى موقفه المائع من الشيعة!!! ملحوظة:أنا اسمى محمد أو ميدو انما أدهم اسم المدونة , لأنى أعشق هذا الاسم :))

mido يقول...
sesame
أنا خففت من لهجة العنوان :)) 15 سبتمبر, 2008 03:05 ص

بعد كده دخلت الاستاذة
شمس النهار وقالت

شمس النهار يقول... صدقني اسرائل بتخطط ازاي تفكك الامه الاسلاميه وبتعيد للعرب زمن جاهلية التعصب المفروض نكون اذكا من كده في التعامل مع الاحداث بكره القرضاوي يسيب اللي بيعمله وينشغل بالرد علي الشيعه والموضوع هيكبر ومش بعيد تلاقي خناقه هنا والاهنا بين اي اتنين مالهمش دعوا بالموضوع

وفعلا وكأن شمس تستشرف المستقبل

ورد الشيخ القرضاوى ومن ساعتها وزى مانتم شايفيين!!


بل أصاب القرضاوي وأخطأ منتقدوه

الدمرداش العقالي: القرضاوي لفت الأنظار إلى التشيع والكثير من المصريين يقولون لي الآن: لنتشيع

محاولات لتطويق السجال بين علماء سنة وشيعة على هامش "مؤتمر القدس" في الدوحة

القرضاوي يرفض التراجع عن موقفه من الشيعة لإرضاء الناس

صور الارهاب - القرضاوي نموذجاً


وفد إيراني رفيع يعتذر للقرضاوي ويطلب إغلاق ملف التشيع



الى اللقاء فى أزمات قادمة :)



Bookmark and Share

11 comments:

شمس النهار said...

مش هقولك شفت
بس هقولك حاجه تانيه
انت عارف ان في كتيب بيتوزع في مدينة 6اكتوبر في الجوامع وبحاول اجيبه
مكتوب عليه صدقه جاريه
بيعرف الناس بالشيعه والمذهب الشيعي
مستغل حب المصريين بأهل بيت النبوه
مش عارفه ايه الموضوع الجديد ده
الازهر اسس عشان هذا المذهب
والمصريين فرموا القصه
جايين دلوقتي بعد السنين دي يحيوها
وطبعا المزع للكتاب
بيقولوا عراقي
وشويه يقولوا ايراني
مش عارفه لما اعرف والكتاب اعرف اجيبه هقولك ايه الحكايه

prince4ever said...

سلام عليكم
للاسف انا مش متابع الحوار من زمان و معرفش عنه حاجه فمش هقدر اتكلم فيه
حبيت بس اعلق على بلوجك الجميل ده و احييك عليه بشده
بمناسبة المشهد بتاع فيلم دارك نايت حاجه جامده موووز على فكره
بس هيث لدجر ده مات مش كده...مات شاب يجي من كام شهر
كده ولا انا غلطان
تحياتي
رامي...قصاصة ورق

mido said...

شمس

لأ بصراحة مسمعتش عن الكتب دى
بس طبيعى لأن 6 اكتوبر تجمع للشيعة
بس من غبر كتب اللى عايزمعلومات عن الشيعة حيلاقيها على النت او اى مكان

prince4ever

وعليكم السلام

شكرا يا برنس

وفعلا هيث ليدجر مات من كذا شهر بسبب دوره فى الفيم اللى كان محتاج مجهود ذهنى جبار و طريقة معينة عشان يؤدى دور الجوكر المريض نفسيا
وبعد مخلص دوره اضطر يتعالج بمهدئات و ادوية بس اخد كمية ضخمة موتته

شمس النهار said...

ماقصدش ان انا عايزه الكتاب عشان اعرف عن الشيعه حاجه
انا عايزه اشوف الكتاب نفسه
عندي معلومات عن الشيعه من زمان كنت جبت من معرض الكتاب كتاب لعماره بيتكلم عن كل فرقهم
المختلفه وعن المذاهب الاخري بصراحه كان كتاب مفيد جدا
وكانت دريم عملت كام حلقه عنهم شفتها برضه
صدقني الموضوع كبر بون داعي
المهم امسك اعصابك كده عايزه اقول لك حاجه ههههههه
*شمس راجيه
الاخت محاسن عايزه اطلق قصدتني انها مش عارفه تدخل المدونه عندك طبعا بخبرتي قلتلها تعمل ايه بس الموضوع فشل
ونبي ماانت متزرزر
*ميدو يقول غاضبا
طبعا مش كفايه عليه مشاكلك جيبالي مشاكل اصحابك المدونين كمان
*شمس ترد بكل ادب
معلش ياميدو محاسن صحبتنا برضه والست عايزه تدخل مدونتك كتر خيرها
*ميدو مغصوبا
ماشي ياستي
*شمس ممتنه
ايوه كده هتلاقي الحوار عندي في بوست القذافي
شكرا
جعلك الله زخرا للمدونين امثالي

مهندس مصري بيحب مصر said...

بقى يا راجل بعد ما قريت توضيحه التفصيلي عندي لسه عندك شك ان كلامه كان صح و لا لأ
انت قريت الموضوع عندي و لا إستطولته و نطيت شوية ما قريتهمش
ما هو قايل اتكلم ليه و علشان ايه و ليه دلوقت
هو اللي حنعيده حنزيده
:)

مهندس مصري بيحب مصر said...

معلش عاوز بعد إذنك اكلم شمس النهار
شمس النهار
==========
اللي سمعته انهم بيوزعوا كتاب اسمه ثم اهتديت
بيحكي عن مسلم سني زينا كده و بعدين ربنا هداه !!!!!!!!! و ساب ضلال السنة و بقى شيعي
مع الكثير من روايتهم المكذوبة على آل البيت و الكثير من الطعن في السنة و الخلفاء الراشدين و زوجات الرسول صلى الله عليه و سلم

mido said...

شمس
حشوف موضوع محاسن

مهندس مصرى

انا قريت رد الشيخ كاملا فى الدستور

انا متفق معاه فقهيا و مختلف سياسيا

ومتفق ان ايران بتحاول نشر مذهب الشيعة

المشكلة فى طريقة المواجهة اللى اتبعها الشيخ

مهندس مصري بيحب مصر said...

حلو متفقين في النقط الاولى اهوه
طيب انت شايف ايه الطريقة الصح ؟

mido said...

مهندس مصرى

بعد ماشوف المقال اللى كاتبه الدكتور
ابراهيم البيومى غانم فى الدستور الاسبوعى النهاردة حقولك

المقال بيرد على رد الشيخ

دعاء مواجهات said...

الموضوع طبعا أثار ضجه

والكل ما صدق واهى جنازة جديدة

بجد بجد لنا الله

تحياتى ليك على عرض الموضوع

mido said...

دعاء

اهلا بحضرتك

وربنا ميجيب جنازات بالشكل ده تانى